Դատախազ. Մենք պետք է բողոքարկենք այս դատական ակտը

ՀՀ երկրորդ նախագահ Ռոբերտ Քոչարյանի խափանման միջոցը փոփոխելու վերաբերյալ դատարանի քիչ առաջ հրապարակած որոշումը մեղադրող կողմը մտադիր է բողոքարկել։

«Դատական ակտը քիչ առաջ ենք ստացել, պատճառաբանություններին օբյեկտիվ պատճառներով այս պահին ծանոթ չենք, սակայն հաշվի առնելով, որ  մենք սկզբունքորեն համարում ենք, որ խափանման միջոց  կալանքն ընտրված էր ճիշտ և դա միակն էր ,որ կարող էր զսպել նրա պատշաճ վարքագիծը, հետևաբար մենք պետք է բողոքարկենք այդ դատական ակտը»,-դատարանի դիմաց հայտարարեց գործով մեղադրող դատախազը։

Նա նշեց, որ առավել մանրամասն դատախազությունն իր դիրքորոշումը կհայտնի դատարանի պատճառաբանություններին ծանոթանալուց հետո։