Էմիլիա Քլարկը «Գահերով խաղից» առաջ լսել է Հիտլերի ելույթները

Դերասանուհի  Էմիլիա Քլարկը,  որը «Գահերի խաղը» ֆիլմում մարմնավորել է  Դեյեներիս Թարգարիենին,  Variety-ին պատմել է, թե ինչպես է պատրաստվել վերջին սերիայի ամենակարևոր դրվագներից մեկին։ Նա ասել է, որ  ութերորդ եթերաշրջանի  վերջին նկարահանումից առաջ դիտել է Ադոլֆ Հիտլերի ելույթների տեսանյութը։

Գազետա.ռու-ի հաղորդմամբ,   դերասանուհին այդպես պատրաստվել է սյուժեին, որտեղ նա Կարմիր ամրոցի մոտ դոթրակցիների և անթերիների բանակների առջև մեծ ելույթ էր ունենալու։ Քլարկը նշել է, որ հիմա դա «զվարճալի է հնչում, բայց  իրեն անհասկանալի լեզուներով նման ելույթների ուսումնասիրությունն անհրաժեշտություն էր, որպեսզի հորինված լեզվով ելույթը վստահ հնչեր։

«Եթե ես հավատամ իմ ասած ամեն բառին, հեռուստադիտողը ենթագրերի կարիք չի ունենա»,- ասել է Էմիլիա Քլարկը։ 

Նշենք, որ «Գահերով խաղը» ֆիլմի վերջին՝ 8-րդ եթերաշրջանի վերջին սերիան ցուցադրվել է մայիսի 19-ին։