Փաշինյանը հեռախոսազրույց է ունեցել Հենրիխ Մխիթարյանի հետ

ՀՀ վարչապետ Նիկոլ Փաշինյանը իր Ֆեյսբուքի էջում հայտնել է, որ  հեռախոսազրույց է ունեցել Հայաստանի ազգային հավաքականի ու անգլիական «Արսենալի» կիսապաշտպան Հենրիխ Մխիթարյանի հետ։

«Նուր-Սուլթանից վերադառնալով՝ հեռախոսազրույց ունեցա Հենրիխ Մխիթարյանի հետ և զորակցությունս հայտնեցի՝ «Արսենալ»-«Չելսի» այսօրվա խաղից առաջ, որին Հենրիխը չի կարողանա մասնակցել Բաքվի ռասիստական դիրքորոշման պատճառով։

Հենրիխին ասացի, որ հիանում ենք իրենով և հպարտանում։ Ամբողջ հոգով և  ամբողջ սրտով իր հետ ենք ու իր կողքին»,-գրել է նա։