Գեղամ Գևորգյանը ԵՊՀ ռեկտորի ԺՊ ընտրվեց

Երևանի պետական համալսարանի հոգաբարձուների խորհուրդը ռեկտորի ժամանակավոր պաշտոնակատար ընտրեց  ակադեմիկոս Գեղամ Գևորգյանին։

Նրա օգտին եղավ 21 ձայն, իսկ ահա մյուս թեկնածու իրավաբանական գիտությունների դոկտոր Վահե Հովհաննիսյանի օգտին՝ 11:

«Եկեք այսօր աշխատենք հանուն համալսարանի՝ բոլորով միասին։ Թե երբ կլինի ընտրություն, ով կմասնակցի, ով չի մասնակցի, դա լրիվ երկրորդական հարց է, եկեք բոլորս լծվենք համալսարանի զարգացմանը։ Շնորհակալություն»,- ընտրվելուց հետո իր ելույթում ասաց Գևորգյանը։