ԱՄՆ պաշտոնապես խնդրել է արտահանձնել Ասանժին

ԱՄՆ արդարադատության նախարարությունը բրիտանական իշխանություններին WikiLeaks-ի  հիմնադիր Ջուլիան Ասանժին վերաբերվող պաշտոնական հարցում է  ուղարկել։ 360tv.ru կայքը, հղում անելով Washington Post-ին, գրում է, որ ԱՄՆ խնդրում է արտահանձնել Ասանժին ԱՄՆ տարածք։

Հարցումն ուղարկվել է դեռ մայիսի 6-ին։ ԱՄՆ կողմից Ասանժի հետագա մեղադրանքները քիչ հավանական են։

Երկու երկրների միջև համաձայնագրով ենթադրվում է, որ արտահանձնումը պետք է իրականացվի Ասանժի ձերբակալությունից 60 օրվա ընթացքում։ Այդ ժամկետը լրացել է հունիսի 10-ին։ Համաձայնագրով ԱՄՆ նաև չի կարող WikiLeaks-ի հիմնադրին հետապնդել ցանկացած ենթադրյալ հանցագորության համար, բացի նրանցից, որոնք նշված են հարցումում։

Մեծ Բրիտանիայի ոստիկանությունը ապրիլի 11-ին ձերբակալել է Ջուլիան Ասանժին, որը վեց տարի ապրում էր Մեծ Բրիտանիայում Էկվադորի դեսպանատանը։ 2012-ի ամռանը Ասանժը ապաստան էր խնդրել Էկվադորի ԱԳՆ-ից, որպեսզի խուսափի Շվեդիա արտահանձնումից, որտեղ նա մեղադրվում է սեռական բնույթի հանցագործությունների մեջ, կամ ԱՄՆ, որտեղ նա կարող է բանտարկվել լրտեսության և գաղտնի տեղեկատվության  բացահայտման համար: Ընդհանուր առմամբ, ԱՄՆ-ում նա կարող է դատապարտվել 175 տարվա ազատազրկման։
Նա դատապարտվել է 11,5 ամսվա ազատազրկման գրավի դիմաց ազատ արձակվելու պայմանները խախտելու համար։ Վճիռն ընդունվել էր մայիսի 1-ին։ 

Արտահանձման հարցը որոշելու է դատարանը։