Հոնկոնգում ցույցերի պատճառով բոլոր չվերթները չեղարկվել են

Հոնկոնգի միջազգային օդանավակայանում բոլոր չվերթները չեղարկվել են բողոքի ցույցերի պատճառով, որոնք արդեն մի քանի օր է տեղի են ունենում օդանավակայանի տարածքում: Այս մասին գրում է Գազետա.ռու-ն:

Հակառավարական ցույցերի նպատակն է հետ կանչել արտահանձնման վերաբերյալ օրինագիծը:

Նշվում է, որ մի քանի հազար ցուցարար կոլապս է ստեղծել օդանավակայանի գլխավոր տերմինալում, ինչի պատճառով դադարեցվել է թռիչքների գրանցումը: Այնուամենայնիվ, դա չի ազդի այն թռիչքների վրա, որոնց գրանցումն արդեն ավարտվել է:

Հաղորդվում է նաև, որ ցուցարարների մեծ կենտրոնացվածության պատճառով ոստիկանությունը չի բացառում արցունքաբեր գազի կիրառումը: Հոնկոնգի իշխանությունները նաև հայտարարել են, որ քաղաքի մուտքը ոչ մի դեպքում չի փակվի, բայց հանրահավաքներն արդեն մեծ անհարմարություններ են առաջացնում, այդ թվում ՝ օդանավակայաններում: