Չինաստանը որոշել է դադարեցնել Վենեսուելայից նավթի գնումը

Չինաստանի ազգային նավթագազային կորպորացիան (CNPC) չեղարկել է 5 մլն բարել նավթը լցանավեր բեռնելու որոշումը։ Պատճառը Վաշինգտոնի կողմից Կարակասի դեմ կիրառվող պատժամիջոցներն են։ Այդ մասին հայտնում է Գազետա.ռու-ն՝ վկայակոչելով Bloomberg-ին։

Ըստ աղբյուրների ՝ ավելի քան 10 տարի Պեկինը չի հրաժարվել Կարակասի նկատմամբ ստանձնած պարտավորություններից: Միաժամանակ նշվում է՝ նավթի մատակարարումների չեղարկումը չի նշանակում, որ Չինաստանն այլևս Վենեսուելայից նավթ չի գնի։