Լեոն դուրս եկավ ֆուտզալի Չեմպիոնների Լիգայի գլխավոր փուլ

Օգոստոսի 30-ին՝ Չեռնոգորիայի մայրաքաղաք Պոդգորիցայում, կայացավ Ֆուտզալի Եվրոպայի Չեմպիոնների լիգայի որակավորման փուլի I խմբի «Տիտոգրադ» (Չեռնոգորիա)-«Լեո» (Հայաստան) հանդիպումը: Հայաստանի չեմպիոնը հաղթեց 4:1 հաշվով:

Տեղեկանում ենք ՀՖՖ-ի պաշտոնական կայքից:

Գոլերի հեղինակ դարձան Հակոբ Ուզունյանը, Ֆրանցիսկո դե Կամպոսը, Դոս Սանթոսը և Գարեգին Մաշումյանը, մեկ անգամ էլ գրանցվեց ինքնագոլ:

«Լեոն» դուրս եկավ մրցաշարի հաջորդ փուլ: Գլխավոր փուլում երևանցիների մրցակիցները կլինեն «Նովո Վրեմյե Մակարսկա» (Խորվաթիա), «Օմոնիա» (Կիպրոս) թիմերը և նախնական փուլի B խմբի հաղթողը: