ԱԱ․ Արթուր Ալեքսանյանը եզրափակչում է

97 կգ քաշային կարգի հունահռոմեական ոճի ըմբիշ, Եվրոպայի քառակի, Աշխարհի եռակի և օլիմպիական չեմպիոն Արթուր Ալեքսանյանը ըմբշամարտի աշխարհի առաջնության եզրափակչում է։

Կիսաեզրափակչում Ալեքսանյանը 3։1 հաշվով առավելության է հասել Վրաստանը ներկայացնող Գեորգի Մելիայի նկատմամբ։

ՀԱՕԿ կայքից տեղեկանում ենք, որ եզրափակչում Արթուրի մրցակիցը կլինի Ռուսաստանը ներկայացնող, այս քաշային կարգում աշխարհի գործող չեմպիոն Մուսա Եվլոևը։ 97 կգ քաշային կարգի երզրափակիչը կկայանա այսօր։