Մխիթարյանը ճանաչվել է «Սասուոլո»-ի հետ խաղի լավագույն ֆուտբոլիստ

Հայաստանի ազգային հավաքականի և «Ռոմայի» կիսապաշտպան Հենրիխ Մխիթարյանը ճանաչվել է Ա Սերիայի 3-րդ տուրի՝ «Սասուոլո»-ի հետ հանդիպման լավագույն խաղացող։ 

Թվիթերի իր էջում հայտնել է իտալական ակումբը.

«Նորամուտ՝ գոլով։ Շնորհավորում ենք Հենրիխ Մխիթարյանին քվեարկության արյդունքում «Սասուոլոյի» հետ խաղի լավագույն խաղացող ճանաչվելու համար»։

Հիշեցնենք, որ նախօրեին «Ռոմա»-ն սեփական հարկի տակ պարտության մատնեց «Սասուոլո»-ին՝ 4:2 հաշվով: