Ազատ ոճի ըմբշամարտի Հայաստանի հավաքականը ԱԱ-ից կվերադառնա առանց Տոկիո-2020-ի ուղեգրերի

Գրիգոր Գրիգորյանը պարտվել է  Ղազախստանի մայրաքաղաք Նուրս-Սուլթանում ավարտին մոտեցող ԱԱ-ի քառորդ եզրափակչում։  79 կգ քաշային ազատ ոճային ըմբիշը 1/8 եզրափակչում 0։6 հաշվով պարտվում էր վրացի ըմբիշին, սակայն 6։6 հաշվի ժամանակ կարողացել է տուշեով հաղթել Կետչաձեին։

Քառորդ եզրափակչում Գրիգորյանը 8։8 հաշվով պարտվել է ուզբեկ Ռաշիդ Կուրբանովին։ ՀԱՕԿ հաղորդմամբ, Գրիգորյանը դեռևս պահպանում է բրոնզե մեդալի համար պայքարելու շանսերը։

86 կգ քաշային Հովհաննես Մխիթարյանը մեկնարկային գոտեմարտում 1։11 հաշվով պարտվել է ամերիկացի ըմբիշին։ Վերջինս նույնպես պարտվել է։ Ուստի Մխիթարյանը դուրս է մնում պայքարից։

Ազատ ոճի ըմբշամարտի Հայաստանի հավաքականը ԱԱ-ից կվերադառնա առանց Տոկիո-2020-ի ուղեգրերի։