ՄԱԿ-ում Թրամփի ելույթից հետո նավթի գներն անկում են ապրել

ՄԱԿ-ի Գլխավոր ասամբլեայի 74 նստաշրջանում ԱՄՆ նախագահ Դոնալդ Թրամփի ելույթից հետո նավթի համաշխարհային գները նվազել են ավելի քան 3%-ով։ Այս մասին գրում է Գազետա.ռու-ն՝ հղում անելով  Reaters-ին։

Ըստ աղբյուրի, նավթի գները նվազել են Թրամփի՝  Չինաստանի մասին խոսքերից հետո:

Այսպիսով,  Brent ապրանքանիշի նավթի գները նվազել են 3.1%-ով՝ հասնելով բարելի համար 62,69 դոլարի: Նվազել է նաև WTI նավթի ֆյուչերսների արժեքը՝  կազմելով  56,95 դոլար՝ մեկ բարելի դիմաց։

Նշենք, որ երեկ Լոնդոնի ICE Futures բորսայում Brent ապրանքանիշի նավթի գինը կազմում էր  64,41 դոլար,  WTI  նավթինը՝  58,36 դոլար։