Լյուքսեմբուրգում Արցախի դրոշի պատճառով ընդհատվել է Դուդելանժ-Քարաբաղ խաղը

Նախօրեին Լյուքսեմբուրգում անցկացվող Եվրոպա լիգայի խաղարկության խմբային փուլի երկրորդ տուրի Դուդելանժ-Քարաբաղ խաղն ընդհատվել է՝ երկնքում հայտնված Արցախի դրոշի պատճառով։ Այս ակցիան կազմակերպել էր ՖԱՖ-ը:

Արցախի դրոշը մարզադատի վերևում է հայտնվել դրոնի օգնությամբ։

«Ակցիան իրականացրեցին մեր տղերքը Բելգիայից՝ Սպարտակի գլխավորությամբ»,-այս մասին ասվում է ՖԱՖ-ի ֆեյսբուքյան էջում։

Նշենք, որ այս միջադեպի մասին գրել է BBC-ն, Independent-ը, The Sun-ը և մի շարք այլ առաջատար լրատվականներ։