Անցած շաբաթ 256 արտակարգ դեպք է գրանցվել

ՀՀ ԱԻՆ ՓԾ  ճգնաժամային կառավարման ազգային կենտրոնում սեպտեմբերի 30-ից հոկտեմբերի 6-ը գրանցվել է 436 դեպք, որից  256-ը՝ արտակարգ:

ԱԻՆ մամուլի ծառայությունից հայտնում են, որ նշված ժամանակահատվածում արձանագրվել է 137 կենցաղային կանչ, 173 հրդեհի ահազանգ, 65 ճանապարհատրանսպորտային պատահար, որի հետևանքով զոհվել է 2 և տուժել 75 մարդ, իսկ փրկարարական օպերատիվ գործողությունների արդյունքում՝ փրկվել 10 քաղաքացի:

Քաղաքացիներն արձանագրել են օձերի նկատման 18 դեպք, որից 7-ում փրկարարները օձեր են հայտնաբերել:

Շաբաթվա ընթացքում արձանագրվել է թունավորման 8 դեպք, տուժել է 14 քաղաքացի: ՀՀ ԱԻ նախարարությունը հորդորում է թե՛ կենցաղում, թե՛ ճանապարհներին լինել զգոն և խստորեն պահպանել անվտանգության կանոնները: