Հնդկաստանի ներկայացուցիչը՝ Miss CosmoWorld-2019-ի հաղթող

Հնդկաստանի ներկայացուցիչ Սանդա Սոմանը Miss CosmoWorld – 2019 միջազգային  գեղեցկության մրցույթի հաղթող է դարձել։

«Ռիա նովոստի»-ի փոխանցմամբ՝ մրցույթին 24 երկրի ներկայացուցիչ է մասնակցել։ Մրցույթի հաղթողը գումարային մրցանակ է ստանում, ուղեգիր դեպի Իտալիա և պայմանագիր է կնքում նորաձևության ոլորտում աշխատող մալազիական ընկերության հետ։

Miss Cosmo World-ն անցկացվում է 2015 թվականից՝ Կուալա-Լումպուրում։  Նախորդ տարի մրցույթի հաղթող էր դարձել Ֆիլիպինների ներկայացուցիչը։