Գազի սակագնի փոփոխության վերաբերյալ դեռ նորություն չկա. Գարեգին Բաղրամյան

Գազի սակագնի փոփոխության վերաբերյալ  դեռ նորություն չկա, իսկ էլեկտրաէներգիայի մասով առաջիկա 10-15 օրվա ընթացքում, երբ կճշտվի 2021թվականի  էլեկտրաէներգիայի պահանջարկի և արտադրության հաշվեկշիռը, ավելի առարկայական հնարավոր կլինի խոսել: Այս մասին այսօր խորհրդարանում լրագրողների հետ ճեպազրույցում ասաց Հանրային ծառայությունները կարգավորող հանձնաժողովի նախագահ Գարեգին Բաղրամյանը։

Ինչ վերաբերում է ձմռանը գազի սակագնի հնարավոր բարձրացմանը, Հանձնաժողովի նախագահը նշեց, որ ընթացակարգային գործընթացներով պայմանավորված նույնիսկ հնարավոր չէ, որ հունվարի 1-ից գազի սակագինը բարձրանա:

«Եթե նույնիսկ լինում է հայտ կամ սակագնի վերանայում, դա համար կա նախատեսված հայտի ուսումնասիրության օրենքով սահմանված որոշակի ժամկետ։ Ցանկացած դեպքում, երբ Հանձնաժողովը սակագների վերաբերյալ որոշում է կայացնում, դրանք ուժի մեջ են մտնում 30 օր հետո»,- նշեց Գարեգին Բաղրամյանը։

Նա նշեց, որ բավական երկար ժամկետային առաջարկ են արել սակագնի և  հիմա դա քննարկման փուլում է: «Այդ առաջարկները, որոնք արել ենք, ձմռան ամիսների սակագնի բարձրացման մասին խոսք չի կարող լինել»,- ընդգծեց հանձնաժողովի նախագահը: