Ֆրանսիացի հայտնի դերասանուհի Կատրին Դենյովը իշեմիկ ինսուլտ է ստացել

Ֆրանսիացի հայտնի դերասանուհի Կատրին Դենյովի հոսպիտալացման պատճառն արյան շրջանառության խանգարումն է։ Այս մասին գրում է Գազետա.ռու-ն՝ հղում անելով ֆրանսիական ԶԼՄ-ներին։

Դերասանուհու մտերիմներից ստացված տեղեկության համաձայն, դերասանուհին իշեմիկ ինսուլտ է ստացել։ Նշվում է, որ, բարեբախտաբար, դերասանուհին այլ կարևոր գործառույթների հետ կապված խնդիրներ չունի։

Նշենք, որ նոյեմբերին 6-ին 76-ամյա Կատրին Դենյովը շտապ հոսպիտալացվել է։ Առողջական վիճակն, ըստ աղբյուրի, վատթարացել է ծանրաբեռնված աշխատանքային գրաֆիկի պատճառով:
Կատրին Դենյովը նկարահանվել է ավելի քան 120 ֆիլմում, ստացել է  մի շարք հեղինակավոր մրցանակներ:

Դերասանուհին հայտնի է դարձել 1964 թվականին, երբ խաղացել է «Շերբուրյան հովանոցներ» ֆիլմում։ Ֆիլմն արժանացել է Կաննի կինոփառատոնի Ոսկե արմավենու։