Ամենից շատ կարդացված նյութեր

Ադրբեջանի արտգործնախարարը Զոհրաբ Մնացականյանի հետ բանակցությունները համարել է ծանր

20:00 05/12/2019

Տարածաշրջան

Ադրբեջանի արտգործնախարարը Զոհրաբ Մնացականյանի հետ բանակցությունները համարել է ծանր

Ադրբեջանի արտգործնախարար Էլմար Մամեդյարովը իր հայ գործընկեր Զոհրաբ Մնացականյանի հետ Արցախի հակամարտության կարգավորման շրջանակներում Բրատիսլավայում կայացած բանակցությունները՝ լուրջ և ծանր որակել։ Այս մասին հաղորդել է «Ինտերֆաքս-Ադրբեջանը»:

«Երեկ մենք 3.5 ժամ բանակցություններ ենք անցկացրել իմ հայ գործընկերոջ հետ: Կարող եմ ասել, որ դրանք լուրջ և դժվարին բանակցություններ էին: Ցավոք, մենք դեռ ունենք չլուծված հարցեր»,- հայտարարել է Մամեդյարովը՝ հինգշաբթի օրը Բրատիսլավայում:

Նա նաև նշել է, որ ԵԱՀԿ Մինսկի խմբի համանախագահների մասնակցությամբ քննարկմանը խոսել է նաև հակամարտության կարգավորմանն ուղղված փուլային քայլերի մասին։

Նրա խոսքով՝ Ադրբեջանի դիրքորոշումը հակամարտության կարգավորման հարցում չի փոխվել:

Placeholder