Կովկասի տեղաբնիկ ժողովուրդները մեզ նայում են որպես նշանակալի պատմական դերակատարություն ունեցած ազգի. Ոսկանյան

Հայաստանը, պատկերավոր ասած, մի ոտքով գտնվում է Առաջավոր Ասիայում, իսկ մյուսով՝ Կովկասում, և այս տարածաշրջանի գրեթե բոլոր՝ հատկապես պետականազուրկ տեղաբնիկ ժողովուրդները մեզ նայում են որպես նշանակալի քաղաքական և մշակութային պատմական դերակատարություն ունեցած ազգի։ Այս մասին գրում է իրանագետ Վարդան Ոսկանյանը

«Հետևաբար, ներկայի և ապագայի Հայաստանի գաղափարի բարձրագույն պատկերացումներից մեկն, ըստ իս, անպայմանորեն իր մեջ պետք է ներառի մեր այդ դերակատարության վերստանձնումը, որի արդյունքում մենք՝ որպես ազգ և պետական միավոր, միտված կլինենք ձևավորելու բարեկամ և դաշնակից ժողովուրդների հայաստանակենտրոն բևեռ։

Այո՛, այս գաղափարի իրականացումը պահանջելու է չափազանց ծանր և քրտնաջան աշխատանք, սակայն հայտնի ճշմարտություն է նաև, որ նույնիսկ աննշան հաջողության անհնար է հասնել առանց ծրագրված աշխատանքի։

Երևանում ավարտվեց Կովկաս-Կասպյան տարածաշրջանի տեղաբնիկ ժողովուրդներին նվիրված միջազգային գիտաժողովը, իսկ մենք գիտական և հասարակական մակարդակներում ապացուցեցինք, որ ունակ ենք գնալու այդ ուղղությամբ»,- գրել է Վարդան Ոսկանյանը։