Գտեք էլի ձեզ, թե չէ՝ վույ, վույ, վույ, աման, աման, աման․ Արարատ Միրզոյան

«Մենք քայլ առ քայլ պայքարելու ենք կոռուպցիայի դեմ, և վերականգնելու ենք օրինականությունը Հայաստանում։ Մենք չենք կարող միանգամից բոլոր վհուկներին բռնել, դա պետք է անենք օրենքի սահմաններում»,- այս մասին այսօր խրոհրդարանում ասաց ԱԺ նախագահ Արարատ Միրզոյանը։

Միրզոյանի խոսքով, բոլոր պետական ինստիտուտները 0-ից ստեղծվելու են. «Դա անելու ենք հանգիստ, առանց պանիկայի, առանց ռադիկալ ծայրահեղությունների։ Վհուկների որս չի լինելու»։

Դիմելով Աժ ոչ իշխանական խմբակցություններին՝ Արարատ Միրզոյանը նշեց, որ վերջին 1 և կես տարվա ընթացքում իշխանությունը հայտարարել է խաղի նոր կանոնների մասին։

«Եվ նորից ու նորից դուք գնում և ընկնում եք հին հարաբերությունների հարթություն, գնում եք հին մոտիվացիաներ, որի կարիքը էլի չկա։ Մենք առաջարկում ենք միասին բարեփոխումներ անել։ Ձեզնից շատերի հետ մենք դաշիքի կազմում ենք եղել, և հիմա ինչ առաջարկում ենք անել, հենց գալիս է գործելու պահը, դուք ասում եք վույ, վույ, վույ, աման, աման, աման։ Գտեք էլի ձեզ»,- նշեց Արարատ Միրզոյանը։

Հիշեցնենք, որ խորհրդարանը քննարկում է «Սահմանադրական դատարանի մասին սահմանադրական օրենքում» լրացումներ կատարելու և «Պաշտոնատար անձնաց գործունեության ապահովման, սպասարկման և սոցիալական երաշխիքների մասին» օրենքում լրացում կատարելու մասին օրենքների նախագծերի փաթեթը, ըստ որի՝ ՍԴ դատավորները կարող են կամավոր վաղաժամ կենսաթոշակի գնալ։