«Դրախտի դարպասը» ֆիլմը կցուցադրվի ԱՄՆ-ում

2020թվականի մարտի 21-ին ԱՄՆ Գլենդել քաղաքի «Ալեքս» կինոթատրոնում կկայանա Ջիվան Ավետիսյանի «Դրախտի դարպասը» ֆիլմի պրեմիերան։ Այս մասին հայտնում են ֆիլմի ստեղծագործական թիմից:

Հիշեցնենք, որ ֆիլմի հայաստանյան և արցախյան պրեմիերան կայացել է այս տարվա հոկտեմբերին

Ֆիլմի մասին. Գերմանացի լրագրող Ռոբերտ Ստերնվալը (50 տարեկան)  2016թ․-ին վերադառնում է Արցախ՝ լուսաբանելու քսաներկու տարվա ընդմիջումից հետո վերսկսված պատերազմը։ Լրագրողական հետաքննության արդյունքում ծանոթանում է երիտասարդ օպերային երգչուհի Սոֆիա Մարտիի  (35 տարեկան) հետ։ Ռոբերտի և Սոֆիայի հաճախակի հանդիպումները արթնացնում են փոխադարձ սիրո զգացմունքը, սակայն պարզվում է, որ Սոֆիան անհայտ կորած ֆոտոլրագրող Էդգար Մարտիրոսյանի աղջիկն է, ում 1992թ․ին՝ Թալիշի անկման օրը, Ռոբերտը թողել է գյուղում՝ գերեվարության մեջ, ապա  յուրացրել նրա՝ մարտի դաշտում արված լուսանկարները...

Ֆիլմի գլխավոր օպերատորը լիտվացի Ռիտիս Կուրկուլիսն է։ «Դրախտի դարպասը» ֆիլմում օպերային երգիչ Ժան Բեռնարի կերպարը մարմնավորում է լիտվացի հայտնի դերասան Լեո Պոբեդոնոսցևասը: