Դատարանը բավարարեց Արմեն Թավադյանին կալանավորելու վերաբերյալ ՀՔԾ միջնորդությունը

Երևանի ընդհանուր իրավասության դատարանը (Կենտրոն-Նորք Մարաշ) բավարարեց  5-րդ ալիք հեռուստաընկերության սեփականատեր Արմեն Թավադյանին կալանավորելու վերաբերյալ ՀՔԾ ներկայացրած միջնորդությունը։

«Դատարանը մերժել է մեր ներկայացրած բողոքը ձերբակալման  իրավաչափության մասով, բավարարել է քննիչի միջնորդությունը, որոշել է պարոն Թավադյանին երկու ամսով կալանավորել»,-նիստից հետո լրագրողների հետ ճեպազրույցում հայտարարեց Թավադյանի փաստաբան Հովհաննես Խուդոյանը։

Նրա խոսքով, դատարանն իրենց որոշումը կտրամադրի այսօրվա ընթացքում, հիմնավորումներին ծանոթանալուց հետո կհասկանան բողոքարկման ուղղությունները։

«Միանշանակ բողոքարկելու ենք։ Հայտարարությամբ հանդես կգանք, կտեղեկացնենք»,-ասաց Խուդոյանը։