Հայկ Մարությանը մերժել է Աջափնյակում տուֆի և բազալտի նոր հանքի շահագործման հայտը

Երևանի քաղաքապետ Հայկ Մարությանը մերժել է Աջափնյակում տուֆի և բազալտի նոր հանքի շահագործման հայտը։ Այս մասին նա գրել է ֆեյսբուքյան իր էջում։

Գրառման մեջ, մասնավորապես, ասված է.

«Հիմնվելով հանրային լսումների արդյունքների և քաղաքապետարանի բնապահպանության վարչության եզրակացության վրա՝ որոշել եմ մերժել Աջափնյակում տուֆի և բազալտի նոր հանքի շահագործման հայտը։

Երևանը պետք է կրկին կանաչ ու էկոլոգիապես անվտանգ միջավայր դառնա»։