Netflix-ը ձախողվել է «Օսկար»-ում

Netflix-ի ֆիլմերը «Օսկարում» ձախողվել են: kulturomania.ru-ի հաղորդմամբ, կինոընկերության նախագծերը հավակնել են մրցանակի 24 անվանակարգում, սակայն ընդամենը երկու արձանիկի են արժանացել:

Լավագույն վավերագրական ֆիլմ է ճանաչվել «Ամերիկյան գործարանը»,  իսկ «Ամուսանական պատմություն» դրամայում հանդես եկած Լորա Դերնը ստացել է «Օսկար» երկրորդ պլանի լավագույն դերասանուհի անվանակարգում:

Netflix-ից հավակնորդների թվում են եղել «Ամուսանական պատմությունն» ու «Իռլանդացին»:

2019-ին Ալֆոնսո Քուարոնի «Ռոման» մրցանակի էր արժանացել «Լավագույն օտարալեզու» ֆիլմ անվանակարգում: Այն նկարահանվել էր հենց Netflix-ի պատվերով: Հոլիվուդում սկանդալ էր հասունացել, որոշ հայտնի ռեժիսորներ, օրինակ Սթիվեն Սփիլբերգը, հայտարարել էին, որ սթրիմ- ծառայությունների նախագծերը չպետք  ներկայացվեն «Օսկարի», քանի որ կինոթատրոններում դրանք չեն ներկայացվում: Ներկա պահին Ամերիկյան կինոակադեմիայի անդամները որոշել են չփոխել  մոլորակի գլխավոր կինոմրցանակաբաշխության մասնակցության պայմանները: