Էմինեմն «անսպասելի» ելույթ է ունեցել «Օսկարում»

Ամերիկացի ռեփեր Էմինեմը հանդիսատեսի համար անսպասելի ելույթ է ունեցել «Օսկար» մրցանակաբաշխության ժամանակ, որն անցկացվել է Լոս Անջելեսում փետրվարի 10-ին: Երաժիշտը, որին չէին ներկայացրել որպես հատուկ հյուր, կատարել է Lose Yourself  երգը  «8 մղոն» ֆիլմից:

news.ru-ի հաղորդմամբ, Էմինեմը ելույթ է ունեցել «կենդանի» խմբի և  սիմֆոնիկ նվագախմբի հետ: Բեմի վրա ռեփերի հայտնվելը պաշտոնապես չի հայտարարվել և հանդիսատեսի համար ակնակնկալ է եղել:

Էմինեմը  պատմել է «Օսկարում» իր ելույթի մասին: Նրա խոսքով, որոշել է հայտնվել բեմին, քանի որ 2003-ին բաց էր թողել այդպիսի հնարավորությունը: Երգիչը 2003 թվականին արժանացել էր «Օսկարի» «Լավագույն օրիգինալ երգ» անվանակարգում: Այն դարձել էր առաջին ռեփ-կոմպոզիցիան, որը ստացել էր «Օսկար»:

«Ես մտածեցի, որ եթե չեմ օգտվել պահից այդ ժամանակ, միգուցե հիմա կլինի հիանալի»,- ասել է Էմինեմը:

2003-ին «Օսկարը» վերցրել էր Էմինեմի  գործընկեր Լուիս Ռեստոն: