Պուտինն իր անհանգստությունն է հայտնել Էրդողանին Իդլիբում ծայրահեղականների ագրեսիվ գործողությունների կապակցությամբ

Ռուսական ՏԱՍՍ գործակալության տեղեկացմամբ՝ Ռուսաստանի Դաշնության նախագահ Վլադիմիր Պուտինն իր թուրք գործընկերոջ Ռեջեփ Թայիփ Էրդողանի հետ ունեցած հեռախոսազրույցի ընթացքում անհանգստություն է հայտնել սիրիական Իդլիբ նահանգում ծայրահեղականների ագրեսիվ գործողությունների կապակցությամբ:

«Իդլիբի էսկալացիայի գոտում իրավիճակը կրկին ուշադրության կենտրոնում էր: Վլադիմիր Պուտինը լուրջ անհանգստություն հայտնեց ծայրահեղական խմբավորումների ագրեսիվ գործողությունների շարունակման կապակցությամբ», - ուրբաթ երեկոյան կայացած հեռախոսազրույցի վերաբերյալ հաղորդել է Կրեմլի մամուլի ծառայությունը:

«Ընդգծվում է Սիրիայի Արաբական Հանրապետության ինքնիշխանության և տարածքային ամբողջականության անվերապահ հարգանքի անհրաժեշտությունը», - ընդգծում է Կրեմլը:

Երկու երկրների ղեկավարները պայմանավորվել են ակտիվացնել Իդլիբի հարցով միջգերատեսչական խորհրդակցությունները, որոնք նպատակաուղղված են սիրիայի այդ նահանգում լարվածության նվազեցմանը:

«Ռուսաստանի և Թուրքիայի նախագահները պայմանավորվել են ակտիվացնել Իդլիբի վերաբերյալ երկկողմ միջգերատեսչական խորհրդակցությունները ՝ ուղղված լարվածության նվազեցմանը, հրադադարի ապահովմանը և ահաբեկչության սպառնալիքի չեզոքացմանը: Կողմերը հաստատել են, որ ռազմական գերատեսչությունների միջև շփումները կշարունակվեն ինտենսիվ ռեժիմով», - ասվում է մամուլի ծառայության հաղորդագրության մեջ: