Ճապոնիայում կորոնավիրուսով վարակվածների թիվը հասել է գրեթե 950-ի

Ճապոնիայում կորոնավիրուսով վարակվածների թիվը հասել է 942-ի, որոնցից 705 «Diamond Princess» նավի ուղևորներ են։  Այս մասին գրում է gazeta.ru-ն։

Նշվում է, որ վարակման դեպքերի մեծամասնությունը գրանցվել է Հոկայդո շրջանում՝ 67 քաղաքացի։ Տոկիոյում վարակման դեպքերը հասել են 36-ի։

Հայտնի է, որ Ճապոնիայում կորոնավիրուսի հետևանքով մահերի թիվը հասել է 11-ի։
Վիրուսի տարածման պատճառով Ճապոնիայում դադարեցվել են զանգվածային միջոցառումները, փակվել են զվարճանքի կետերը՝ ներառյալ Տոկիոյի Դիսնեյլենդը, պետական գրադարանները, դիտման հարթակները և թանգարանները: