Օրենքի նախագծի ընդունումը մերժվեց հեղինակի առաջարկով

ԱԺ այսօրվա նիստը պատգամավորները սկսեցին շնորհավորելով իրենց գործընկերոջը՝ Սողոմոն Սողոմանյանին, ծննդյան օրվա կապակցությամբ։ Այնուհետև Աժ-ն գրեթե միաձայն ընդունեց նախորդ օրվա ընթացքում քննարկված 12 օրենքի նախագիծ և համաձայնագիր։

Պատգամավորներ Բաբկեն Թունյանի և Արտակ Մանուկյանի ներկայացրած «Էներգետիկայի մասին» օրենքում լրացումներ կատարելու մասին օրինագիծը միակն էր, որը ԱԺ-ն մերժեց՝ հենց հեղինակների առաջարկով։ Նախորդ նիստում հարցը ներկայացնելիս Արտակ Մանուկյանը հայտնել էր, որ անհրաժեշտություն է առաջացել փոփոխել օրենքի նախագծի անցումնային դրույթները, որը հնարավոր չէ անել երկրորդ ընթաերցման ժամանակ։ Հետևելով Մանուկյանի կոչին՝ ԱԺ-ն 88 դեմ ձայներով մերժեց օրինագծի ընդունումը։ Սրան հետևեց Մանուկյանի երկրորդ առաջարկը՝ ԱԺ կանոնակարգ օրենքի 83 հոդվածի 3-րդ մասի համաձայն նախագիծը վրադարձնել առաջին ընթերցման գրավոր առաջարկների փուլ։

«Բարգավաճ Հայաստան» խմբակցության պատգամավոր Սերգեյ Բագրատյանը հայտարարեց, որ վերապահումներ են ունեցել նախագծի վերաբերյալ և կողմ կքվերակեն, եթե իրենց առաջարկները հաշվի առնվեն։

ԱԺ նախագահը քվերակության դերց «Էներգետիկայի մասին» օրենքում լրացումներ կատարելու նախագիծն առաջին ընթերցման ռեժիմ վերադարձնելու առաջարկը, որն ընդունվեց 99 կողմ ձայներով։