Վիրավորված զինծառայողներին աջակցություն ցուցաբերելու որոշումը միաձայն ընդունվեց

ԱԺ-ն այսօր 114 կողմ ձայնով ընդունեց «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում փոփոխություն և լրացում կատարելու մասին օրենքի նախագիծը։

Օրենսդրական փոփոխություններով նախատեսվում է «Զինծառայողների ապահովագրության հիմնադրամի» շահառուների շրջանակն ընդլայնել՝ այնտեղ ընդգրկելով նաև հակառակորդի նախահարձակ գործողությունների հետևանքով կյանքին կամ առողջությանը հասցված վնասի դեպքերը:

Նախկին կարգավորմամբ հիմնադրամի շահառու էին համարվում մարտական գործողությունների, մարտական հերթապահության, կամ հատուկ առաջադրանք իրականացնելու ժամանակ միայն անմիջականորեն շփման գծում վիրավորումը կամ կյանքի հետ անհամատեղելի վնաս ստացած զինծառայողներին ։