Ինդոնեզիան կորոնավիրուսով վարակվածներին կտեղափոխի անմարդաբնակ կղզի

Ինդոնեզիայի իշխանությունները մտադիր են վիետնամցի փախստականների նախկին ճամբարը Գալանգ կղզու վրա վերածել մասնագիտացված հիվանդանոցի՝ կորոնավիրուսով հիվանդների բուժման համար: Այս մասին հայտնում է The Jakarta Post-ը:

Ինդոնեզիայի բանակի հրամանատար, օդային մարշալ Հադի Չահջանտոն ասել է, որ հիվանդանոցից բացի կղզում կգործի կարանտինային կենտրոն: Ընդհանուր առմամբ, բուժհաստատությունը կկարողանա տեղավորել 1000 հիվանդ:

Ըստ նրա, մեկ ամսվա ընթացքում հիվանդանոցը պատրաստ կլինի՝ հիվանդներ ընդունելու համար:

Ներկայումս Ինդոնեզիայում հայտնի է կորոնավիրուսով վարակված 2 դեպքի մասին։