Օլիմպիական խաղերի չեղարկման դեպքում Ճապոնիան կարող է կորցնել 74,3 միլիարդ դոլար

Ճապոնիան կարող է կորցնել 7,8 տրիլիոն իեն (74,3 միլիարդ դոլար), եթե COVID-19- ի պատճառով չեղարկվեն Տոկիոյում անցկացվելիք ամառային օլիմպիական խաղերը՝ հայտնում է   ՌԻԱ գործակալությունը։

Լուրի սկզբնաղբյուրը Kyodo գործակալությունն է, որ իր հերթին վկայակոչել է Ճապոնիայի SMBC Nikko Securities ֆինանսական ընկերությանը:

Ընկերության գնահատականներով, երկրի ՀՆԱ-ն կնվազի տարեկան 1,4% -ով: SMBC Nikko Securities- ը կարծում է, որ օլիմպիական խաղերը 670 միլիարդ իենի (6,5 միլիարդ դոլարի) ապրանքների և ծառայությունների պահանջարկ  կառաջացնեն: Ընկերության հաշվարկները հիմնված են այն ենթադրության վրա, որ օլիմպիական խաղերը կարող են չեղարկվել, եթե մինչև հուլիս չհանդարտվի իրավիճակը նոր տեսակի կորոնավիրուսի շուրջ:

Ճապոնիայում կորոնավիրուսով վարակվել են ավելի քան 1100 մարդ: Նրանց մեծ մասը ՝ 696 հոգի Diamond Princess զբոսաշրջային նավի ուղևորներից ու անձնակազմից են, 14 հոգին՝ չարտերային չվերթներով Չինաստանից տարհանված խմբերից : 60 մարդու վիճակը գնահատվում է ծանր, նրանց կա՛մ արհեստական շնչառություն է տրվում, կա՛մ գտնվում են ինտենսիվ թերապիայի մեջ: Մահացել է 12 մարդ: