Կորոնավիրուսի պատճառով Ճապոնիայում հետաձգվել է բեյսբոլի առաջնությունը

Ճապոնիայի բեյսբոլի լիգան որոշել է  հետաձգել ազգային առաջնության մեկնարկը՝ երկրում կորոնավիրուսի տարածման պատճառով: Այս մասին գրում է «ՏԱՍՍ» գործակալությունը։

Առաջնությունը պետք է լիներ մարտի 20-ին։ Ավելի վաղ երկրում տարածվող կորոնավիրուսի պատճառով հետաձգվել էին ֆուտբոլի և ռեգբիի ազգային առաջնությունները։

Վերջին տվյալներով Ճապոնիայում կորոնավիրուսով վարակվել է 1200 քաղաքցի։ Հիվանդության հետևանքով 15 մարդ մահացել  է։

Նոր կորոնավիրուսային հիվանդության առաջին դեպքը գրանցվել է 2019 թվականի դեկտեմբերի 31-ին  Չինաստանի Ուհան քաղաքում: