Apple-ի աշխատակիցները կորոնավիրուսի պատճառով տանից կաշխատեն

Apple-ի գործադիր տնօրեն Թիմ Քուկը թույլ է տվել աշխատակիցներին տանից աշխատել՝ մինչ աշխարհում կորոնավիրուսային իրավիճակը վատթարանում է: Այդ մասին հայտնում է Bloomberg-ը:

Քուկը հայտարարության մեջ կորոնավիրուսի բռնկումն անվանել է «աննախադեպ իրադարձություն» և «դժվար պահ»:

«Ազատորեն աշխատեք հեռակա կարգով, եթե ձեր աշխատանքը թույլ է տալիս դա անել», - գրել է Քուկը հայտարարության մեջ:

Կորպորացիայի դուստր ձեռնարկությունները կարող են աշխատել հեռակա կարգով, որտեղ առկա է վիրուսով վարակվելու զգալի ռիսկ ԱՄՆ-ում, Բրիտանիայում, Ֆրանսիայում, Իտալիայում, Ճապոնիայում և Հարավային Կորեայում։ Գրության մեջ նշվում է, որ այդ թույլտվությունը պաշտոնապես ուժի մեջ է մարտի 9-ից մարտի 13-ը:

Վերջին տվյալների համաձայն ՝ վիրուսով վարակվածների ընդհանուր թիվը գերազանցել է 109 հազարը,  3,820 մարդ արդեն մահացել է, և ավելի քան 61 հազար հիվանդ վերականգնվել է: