Նավթի գինն իջել է մոտ 30 տոկոսով

Brent տեսակի նավթի համաշխարհային գների անկումը արագացել է՝ հասնելով մինչև 30 տոկոսի։  Այս մասին գրում է Ria-ն։

Մոսկվայի ժամանակով ժամը 07.20-ի դրությամբ Brent տեսակի նավթի գինը  նվազել է մինչև 31,68 դոլար՝ մեկ բարելի դիմաց: Աճուրդի ընթացքում այս ցուցանիշը եղել է ամենացածրը՝ 2016 թվականի հունվարի 12-ից ի վեր՝ իջնելով մեկ բարելի դիմաց 31,38 դոլար։

Ինչպես ավելի վաղ հայտնել էր Bloomberg-ը, նավթի ֆյուչերսների ներկայիս անկումը ամենամեծն է 1991 թվականից ի վեր, երբ ավարտվեց Ծոցի պատերազմը: