Տոկիոյի օլիմպիական խաղերը կարող են հետաձգվել մեկ կամ երկու տարով

Տոկիոյի օլիմպիական խաղերը կարող են տեղի ունենալ մեկ կամ երկու տարի հետո, եթե որոշում կայացվի չեղարկել 2020 թ. նախատեսած խաղերը, գրում է Wall Street Journal- ը՝ վկայակոչելով Ճապոնիայի կազմակերպչական հանձնաժողովի անդամ Հարույուկի Տակահաշիին: Այս մասին հայտնում է ռուսկան ՌԻԱ գործակալությունը։

Տակահաշին նշել է, որ միջոցառումը մինչև մեկ տարի հետաձգելը դժվար կլինի, քանի որ այս դեպքում դրանք կանցկացվեն մի շարք այլ կարևոր մարզական միջոցառումների հետ միասին: «Ավելի հեշտ կլինի օլիմպիական խաղերը երկու տարով հետաձգելը, քանի որ հաջորդ տարվա մարզական միջոցառումների ժամանակացույցը համարյա ամբողջությամբ համաձայնեցված է»,– ասել է նա:

Կորոնավիրուսի տարածման պատճառով պետությունները  նախաձեռնում են անվտանգության բարձրացման տարբեր միջոցառումներ: Մասնավորապես, օլիմպիական որակավորման մի քանի մրցաշարեր արդեն իսկ հետաձգվել են: Բացի այդ, Հունաստանի ազգային օլիմպիական կոմիտեն հայտնել է, որ օլիմպիական կրակի վառման արարողությունը, որն ավանդաբար անցկացվում է այս երկրում, կանցկացվի առանց հանդիսականների:

Ավելի վաղ ՄՕԿ-ը հայտարարել էր, որ նպատակ է հետապնդում հաջողությամբ անցկացնել Տոկիոյի օլիմպիական խաղերը, որոնք նախատեսված են անցկացնել հուլիսի 24-ից օգոստոսի 9-ը: Խաղերի կազմկոմիտեն փետրվարին հայտարարել էր իրավիճակի վերահսկման  համար հատուկ աշխատանքային խմբի ձևավորման մասին: