Առայժմ միայն՝ «Նորք» ինֆեկցիոն

Հայաստանում պաշտոնապես հաստատված է կորոնավիրուսով վարակման 6 դեպք:  Պացիենտները, որոնց մեջ կա նաև Էջմիածնի բնակիչ, հոսպիտալացված են Երևանի «Նորք» ինֆեկցիոն կլինիկական հիվանդանոցում:

Արդյոք հայաստանյան այլ հիվանդանոցներ պատրաստ են ընդունել կորոնավիրուսով վարակված քաղաքացիներին, ունե՞ն համապատասխան պայմաններ, սարքավորումներ, բժշկական անձնակազմ: Այս հարցերով  Panorama.am-ը դիմեց ՀՀ առողջապահության նախարարություն:

Նախարարության լրատվական ծառայությունից պատասխանեցին, թե՝  կան բժշկական կենտրոններ, որոնք ունեն ինֆեկցիոն բաժանմունքներ:

«Բնականաբար, եթե համաճարակաբանական իրավիճակ ստեղծվի, պատրաստ կլինեն  ընդունել: Բայց այս պահին չունենք ծավալ, չունենք դրա կարիքը, միայն ինֆեկցիոնում են»,- հայտնեցին նախարարությունից:

Առողջապահության նախարարության՝ երեկվա ներկայացված տվյալների համաձայն, մեկուսացված է թվով 57 անձ: