Ամենից շատ կարդացված նյութեր
.jpg "Նախարար. Էջմիածնի դեպքի համաճարակաբանական հետազոտությամբ հայտնաբերել են գրեթե բոլոր շփվածներին")
Նախարար. Էջմիածնի դեպքի համաճարակաբանական հետազոտությամբ հայտնաբերել են գրեթե բոլոր շփվածներին
«Մինչ օրս ունենք մոտ 200 մեկուսացված անձ թե՛ առանձին բնակավայրում, թե՛ շենքում։ Մեկուսացված անձինք պետք է պարտադիր սերտ շփում ունեցած լինեն հաստատված ախտորոշումով պացիենտի հետ»,- ֆեյսբուքյան ուղիղ եթերում ասաց առողջապահության նախարար Արսեն Թորոսյանը:
Նա նշեց, որ Էջմիածնի դեպքի համաճարակաբանական հետազոտությամբ հայտնաբերել են գրեթե բոլոր շփվածներին, աշխատանքները շարունակվում են: Նրանք մեկուսացվել են:
Նախարարի խոսքով, այսօր արդեն հայտարարած կորոնավիրուսով երկու նոր վարակվածները կրկին նույն համաճարակաբանական խմբի պացիենտներից են՝ կապված Էջմիածին քաղաքի դեպքի հետ:
«Չեմ բացառում, որ այդ խմբի հետ կապված նորից դրական դեպքեր լինեն: Դրանք լինելով նույն խմբից ու արդեն ի սկզբանե մեկուսացված լինելով՝ կանխատեսելի ու կառավարելի զարգացում է»,- նշեց նախարարը:
Ա.Թորոսյանն ասաց, որ պացիենտներից 14-ի վիճակը բավարար է, մեկի մոտ է առկա թոքաբորբ, բժիշկների հսկողության տակ է:
Մանրամասները՝ տեսանյութում:
Studio One