Met Gala պարահանդեսը հետաձգվել է

Կոստյումի ինստիտուտի ամենամյա պարահանդեսը` Met Gala-ն, որը նորաձևության աշխարհի ամենանշանակալի իրադարձություններից է, ավանդաբար անցկացվում է Նյու-Յորքի Մետրոպոլիտեն թանգարանում, այս տարի անորոշ ժամանակով հետաձգվել է՝ նոր կորոնավիրուսի տարածման սպառնալիքի պատճառով։ ՏԱՍՍ-ի հաղորդմամբ, այդ մասին գրում է Vogue-ը, որի գլխավոր խմբագիր Աննա Վինտուրը միջոցառման կազմակերպիչներից է։

Կազմակերպիչները ստիպված են եղել տեղափոխել Met Gala-ն այն պատճառով, որ թանգարանի ղեկավարությունը որոշել է նախապես ծրագրած բոլոր միջոցառումները հետաձգել մինչև մայիսի 15-ը։ Պատճառը ԱՄՆ-ում և աշխարհում նոր կորոնավիրուսի տարածման սպառնալիքն էր: Met Gala Ball- ը նախատեսված էր մայիսի 4-ին:

Ամենամյա պարահանդեսը տեղի է ունենում 1948 թվականին մայիսի առաջին երկուշաբթին կապված Կոստյումի ինստիտուտի ցուցադրության բացման հետ։ Վերջին անգամ Met Gala-ը հետաձգվել էր 2002-ին 2001 թվականի սեպտեմբերի 11-ի ահաբեկչությունից հետո։