Իսրայելում կորոնավիրուսով վարակվածների թիվը հասել է 427-ի

Իսրայելի առողջապահության նախարարությունից հայտնում են, որ երկրում COVID-19- ի հաստատված ախտորոշմամբ հիվանդների թիվը հասել է 427-ի, փոխանցում է ria.ru-ն։

Նախարարության տվյալներով ՝ անցած օրվա ընթացքում Իսրայելում կորոնավիրուսի ախտորոշման դեպքերի թիվը ավելացել է ավելի քան 100-ով և հասել 427-ի, հինգ հիվանդի վիճակը գնահատվում է ծանր:

Իսրայելի վարչապետ Բենյամին Նեթանյահուն նախօրեին նախազգուշացրել է քաղաքացիներին, որ պետք է պատրաստ լինել դեպքերի թվի կտրուկ աճին։ Նա նաև նշել է, որ կորոնավիրուսների համար թեստերի քանակը կավելանա մինչև 3 հազարով։