Դատարկ ինքնաթիռ՝ Օլիմպիական ջահի համար

«Բոինգ 787»-ը «Տոկիո-2020» գրությամբ  Ճապոնիայի մայրաքաղաքից ուղևորվել է Հունաստան՝ Օլիմպիական կրակի հետևից։ Եվրանյուզի հաղորդմամբ, ջահի հանդիսավոր հանձնման արարողությունը  Խաղերի տանտերերին նախատեսված է այսօր:

Այն պետք է անցկացվի շատ քիչ մարդկանցով: Հունաստան չի մեկնել Օլիմպիական խաղերի կազմկոմիտեի ղեկավար, 82-ամյա Յոիշիրո Մորին:

ՄՕԿ-ն առայժմ հայտարարում է, որ շարունակում են նախապատրաստվել  Օլիմպիական խաղերին ՝ ըստ ծրագրի. Լոզանում հույս ունեն, որ կորոնավիրուսի հետ կապված իրավիճակը 4 ամսում կբարելավվի։