Փաշինյան. Ծայրահեղ ծանր վիճակում գտնվող հիվանդներից մեկը ԱՄՆ քաղաքացի է, ոչ հայ

Կառավարության նիստի մեկնարկին վարչապետ Նիկոլ Փաշինյանը գործադիրի անդամներին թարմ տվյալներ ներկայացրեց կորոնավիրուսով հիվանդների վերաբերյալ։

Այսօրվա տվյալներով հաստատված է հիվանդացության  290 դեպք, երկու հիվանդի վիճակը գնահատվում է ծայրահեղ ծանր։

«Նրանցից մեկը ԱՄՆ քաղաքացի է, ազգությամբ հայ չէ։ Մյուսը ՀՀ քաղաքացի է։ Նրանց երկուսի վիճակն էլ գնահատվում է ծանր, երկուսն էլ 75 տարեկանից բարձր են։ Վերակենդանացման բաժանմունքում են»,-ասաց նա։

Փաշինյանը հիշեցրեց, որ 18 մարդ բուժվել է, 100-ից ավելի քաղաքացի դուրս է եկել մեկուսացումից, նրանց մոտ հիվանդությունը չի էլ ախտորոշվել։

«Այսօր էլ սպասում ենք առողջացման ու մեկուսացումից դուրս գալու դեպքերի»,-ասաց նա։