Իրանում կորոնավիրուսի համար թեստավորվել է ավելի քան 50 միլիոն մարդ․ Irna

Իրանի առողջապահության փոխնախարար Ալիռեզա Ռեյիսին ասել է, որ ավելի քան 50 միլիոն իրանցիներ հետազոտվել են՝ որպես կորոնավիրուսային վարակի հայտնաբերման ծրագրի մաս: Այս մասին գրում է Irna գործակալությունը։

«Ծրագրի ստեղծումից ի վեր սքրինինգ է անցել ավելի քան 50 միլիոն մարդ»,- ասել է Ռեյիսին:

Ավելի վաղ՝ մարտի 25-ին, Իրանի առողջապահության նախարար Սաիդ Նամակին հայտարարել է ավելի քան 47,5 միլիոն իրանցիների ստուգման մասին։

Մարտի 26-ի վերջին տվյալների համաձայն, Իրանում կորոնավիրուսով վարակվածների թիվը հասել է 29406 մարդու, որոնցից 2,234-ը մահացել են: Արձանագրվել է վարակվածների շրջանում վերականգնման 10457 դեպք: