Համընդհանուր կարանտին՝ Վրաստանում

Վրաստանում հայտարարվում է համընդհանուր կարանտին։ Վրաստանում ՀՀ դեսպանության հաղորդմամբ, այդ մասին կառավարությունում հրավիրած արտակարգ մամլո ասուլիսին հայտարարել է վարչապետ Գիորգի Գախարիան՝ նշելով, որ կարանտինի մասին որոշումն ուժի մեջ կմտնի մարտի 31-ին առավոտյան ժամը 08:00-ին: Երկրի ողջ մասշտաբով կստեղծվեն շտաբեր, որոնք կվերահսկեն կարանտինային ռեժիմը:

Ըստ համընդհանուր կարանտինի՝

- Երեկոյան ժամը 21:00-ից մինչև առավոտյան 06:00-ն արգելվում է տնից դուրս գալ

-70-ից բարձր տարիքի անձանց առհասարակ արգելվում է տնից դուրս գալ

-Ցանկացած հանրային վայրում արգելվում է 3-ից ավել մարդկանց հավաքվել՝ բացի դեղատներից և մթերային խանութներից

-Թույլատրելի ժամերին տնից դուրս գալու դեպքում պետք է ունենալ անձնագիր

-Մեքենայի մեջ կարող են լինել առավելագույնը 3 հոգի, որից երկուսը՝ մեքենայի ետևի նստատեղին։