Լուկաշենկոն և Փաշինյանն արձանագրել են բնական գազի գնի բարձր մակարդակը

Հայկական կողմի նախաձեռնությամբ Բելառուսի նախագահ Ալեքսանդր Լուկաշենկոյի և ՀՀ վարչապետ Նիկոլ Փաշինյանի միջև այսօր տեղի է ունեցել հեռախոսազրույց: Այս մասին belta.by-ին հայտնել են Բելառուսի նախագահի մամուլի ծառայությունից:

Նրանք քննարկել են տնտեսության գործունեությունը ներկայիս ծանր պայմաններում՝ նշելով առկա  լուրջ խնդիրներն ու դժվարությունները: Կողմերը կարծիքներ են փոխանակել ածխաջրածինների գների վերաբերյալ, որոնք և Բելառուսը, և Հայաստանը ներմուծում են Ռուսաստանից:

Ալեքսանդր Լուկաշենկոն և Նիկոլ Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին: