Covid-19. ԱՀԿ-ն ահազանգում է 5% մահացության բարձր մակարդակի մասին․ Euronews

Նոր կորոնավիրուսով այսօրվա դրությամբ մոլորակի վրա կա մոտ մեկ միլիոն վարակակիր և գրեթե 50 հազար մահվան դեպքեր։ Այս մասին գրում է Euronews-ը։

Ըստ ԱՀԿ-ի՝ այս հիվանդության մահացության մակարդակը մոտավորապես 5% է:

Ընդհանուր առմամբ, վարակվածների մեծ մասը գտնվում է ԵՄ անդամ երկրներում:

Իտալիայում մահացությունը դանդաղել է, բայց դա չի նշանակում, որ իշխանությունները չեղյալ են հայտարարելու մեկուսացման խիստ միջոցառումները:

Այս մասին հայտարարեց Վարչապետ Ջուզեպպե Կոնտեն.«Մենք հենվելու ենք փորձագետների համախմբված կարծիքի վրա և շատ աստիճանաբար կներկայացնենք թեթևացումներ: Երբ դա տեղի է կունենա, չեմ կարող ասել, բայց ամեն դեպքում, կարանտինն ամբողջ երկրում գործում է ապրիլի 13-ը ներառյալ»։

Իսպանիայում գրեթե 10 հազար մարդ մահացել է COVID-19-ից, ինչը երեք անգամ գերազանցում է Պեկինի հաղորդած պաշտոնական մահվան դեպքերին:

Ֆրանսիայում միայն հիվանդանոցներում մեկ օրվա ընթացքում վարակի հետևանքներից մահացել է ավելի քան 500 մարդ:

Բրիտանիայում, ինչպես և այլ երկրներում, բանակն է միացել կորոնավիրուսի դեմ պայքարին։

Մասնավորապես, օդուժի ստորաբաժանումները մոբիլիզացվելու են՝ ամենածանր հիվանդներին տեղափոխելու այն վայրեր, որտեղ ինտենսիվ թերապիայի բաժանմունքներում կան ազատ մահճակալներ:

Ընդհանուր առմամբ, երկրում վարակվածների թիվը այժմ մոտենում է 30 հազար մարդու, իսկ մահվան դեպքերի թիվն արդեն գերազանցել է 2300-ը։