«Human Right Watch»-ը կոչ է անում ԱՄՆ-ին կորոնավիրուսի ֆոնին մեղմել Իրանի դեմ պատժամիջոցները

Իրանի դեմ ԱՄՆ-ի կողմից կիրառված պատժամիջոցները պետք է թեթևացվեն ՝ հանրապետությում սանիտարահամաճարակային իրավիճակի վատթարացման պատճառով։ Նման հայտարարությամբ է հանդես եկել «Human Right Watch»-ը, փոխանցում է «ՏԱՍՍ»-ը։

«Իրանցիների վիճակը բարդացնելը՝ նրանց զրկելով կենսական նշանակության բժշկական պարագաներից և սարքավորումներից, որոնք անհապաղ անհրաժեշտ են,  սխալ և անմարդկային քայլ է Թրամփի վարչակազմի կողմից »,- ասված է կազմակերպության գործադիր տնօրեն Քենեթ Ռոթի հայտարարության մեջ:

Ըստ նրա, ԱՄՆ կառավարությունը պետք է այնպես անի, որ Իրանի նկատմամբ կիրառված ֆինանսական պատժամիջոցները չխոչընդոտեն իրանական ժողովրդին՝ կորոնավիրուսից պաշտպանելու գործում։

Իրանի առողջապահության նախարարությունը փետրվարի 19-ին տեղեկացրեց երկրում վարակի առաջին դեպքի մասին: Վերջին տվյալների համաձայն՝ վարակվածների թիվը 58 226 է, գրանցվել է առնվազն 3 603 մահ: