Իրական հերոսները նրանք են, ովքեր իրենց զոհաբերելով ծառայում են մյուսներին.Հռոմի Ֆրանցիսկոս Պապ

Աշխարհում առաջին անգամ Ծաղկազարդի Սուրբ պատարագը անցկացվել է փակ դռների հետևում: Էկրաններից այն կողմ Ֆրանցիսկոս Պապը հավատացյալներին հորդորել է քաջություն ցուցաբերել համաճարակի այս ողբերգական պայմաններում: Այս մասին գրում է Ամերիկայի Ձայնը։

«Այս ողբերգությունը կոչ է, որչպեսզի լրջորեն վերաբերվենք կարևոր բաներին, և չկենտրոնանանք արժեք չունեցող բաների վրա. բացահայտելու համար, որ կյանքն անարժեք է, եթե այն չենք օգտագործում մյուսներին ծառայելու համար»,- ասել է նա:

Պապը հավատացյալներին խրախուսել է օգնել նրանց, ովքեր կարիքի մեջ են և չկենտրոնանալ չունեցածի վրա, այլ մտածել, թե ինչ բարիք կարող են գործել: