Բրիտանիայի վարչապետը երկրորդ գիշերն է անցկացրել ինտենսիվ թերապիայի բաժանմունքում

Մեծ Բրիտանիայի վարչապետ Բորիս Ջոնսոնը երկրորդ գիշերն է անցկացրել ինտենսիվ թերապիայի բաժանմունքում, քանի որ շարունակում է բուժում ստանալ կորոնավիրուսի դեմ: Այս մասին գրում է BBC-ն։

Դաունինգ Սթրիթը հայտնել է, որ վարչապետը գտնվում է Լոնդոնի Սուրբ Թոմաս հիվանդանոցում՝ «սերտ մոնիտորինգի համար»:

Նշվում է, որ Ջոնսոնի վիճակը «կայուն» է, և նա «լավ տրամադրություն» ունի, երեքշաբթի երեկոյան ասել էր նրա խոսնակը:

Արտաքին գործերի նախարար Դոմինիկ Ռաաբը, որը կատարում է վարչապետի պարտականությունները, հայտարարել է, որ «վստահ է», որ վարչապետը կվերականգնվի այս հիվանդությունից՝ նկարագրելով նրան որպես «մարտիկ»: