«FIBA Europe»-ը չեղյալ է հայտարարել բասկետբոլի ամառային բոլոր մրցաշարերը

Կորոնավիրուսային պանդեմիայի պատճառով Բասկետբոլի միջազգային ֆեդերացիայի եվրոպական մասնաճյուղը (FIBA Europe) որոշել է չեղարկել ամռանը նախատեսված բոլոր մրցումները, փոխանցում է «ՏԱՍՍ»-ը։

Ընդհանուր առմամբ, չեղարկվելու են մինչև 16, 18 և 20 տարիքային խմբերի միջև անցկացվող 16 առաջնություններ: 2020-ին մրցույթի մասնակցելու իրավունք ստացած  երկրները հնարավորություն կունենան  2021-ին ներկայանալու մրցաշրջանին, եթե 2020 թվականի աշնանը չհրաժարվեն մասնակցելուց։

Նշվում է, որ FIBA-ն մարտի 12-ից դադարեցրել է բոլոր մրցումները։

2019 թվականի դեկտեմբերի վերջին Չինաստանը հայտնեց նոր տեսակի կորոնավիրուսային հիվանդության բռնկման մասին։ Առողջապահության համաշխարհային կազմակերպությունը մարտի 11-ին այն հայտարարեց կորոնավիրուսի համաճարակի մասին: Վերջին տվյալների համաձայն ՝ աշխարհում կորոնավիրուսով վարակվել է ավելի քան 1,4 միլիոն մարդ, գրանցվել է ավելի քան 80 հազար մահ: