Մահացել է «Գրեմմի» կրկնակի դափնեկիր Ջոն Փրայնը

73  տարեկանում կորոնավիրուսից մահացել է ամերիկացի երգիչ Ջոն Փրայնը։ Լենտա.ռու-ի հաղորդմամբ, այս մասին գրում է  Reuters-ը։ Փրայնը հոսպիտալացվել էր մարտի 26-ին  ամերիկյան Նեշվիլ քաղաքում կորոնավիրուսի սիմպտոմներով։ Նա մահացել է վարակի հետևանքով առաջացած բարդությունների պատճառով:

Rolling Stone-ը հայտնում է, որ  Ջոնի և նրա կնոջ՝ կորոնավիրուսի թեստերի դրական լինելու մասին հայտնի էր դարձել մարտի 17-ին։ Դա տեղի է ունեցել երգչի՝ եվրոպական շրջագայությունից վերադառնալուց անմիջապես հետո։

Ջոն Փրայնը սեփական երգերի հեղինակն ու կատարողն էր, ինչպես նաև ստեղծագործում էր շատ այլ ատիստների համար, համարվում էր  կանտրի և ֆոլկ ժանրերում դասականներից մեկը: Երկու անգամ արժանացել է «Գրեմմի» մրցանակի «Լավագույն ժամանակակից ֆոլկ-ալբոմ» անվանակարգում։